अजित पवार - ‘आमदारांच्या गाडी करता जे करायचं ते फाईलवर करतो, सगळ्या महाराष्ट्राला कळायला नको’
फोटो स्रोत, BBC/ SharadBadhe
राज्यातली ई- निविदा प्रणालीची मर्यादा 3 लाखांवरून आता 10 लाख करण्यात आली आहे. अर्थमंत्री अजित पवार यांनी ही घोषणा केली आहे.
विधानसभेत ही घोषणा करताना अजित पवार यांनी देवेंद्र फडणवीस यांना टोला हाणला. 'लोकशाहीत जरा इतरांचंसुद्धा ऐकावं लागतं,' असा टोला हाणत अजित पवारांनी ई-निविदा प्रणालीची मर्यादा वाढवली.
अधिनेशनाच्या शेवटच्या दिवशी बोलताना अजित पवार यांनी आणखीसुद्धा काही घोषणा केल्या.
त्यात 1 मार्चपासून आमदारांचं वेतन पूर्ववत होणार असल्याची घोषणा करण्यात आलीय. शिवाय आता आमदारांचा निधी आता 4 कोटी करण्याची घोषणा अजित पवार यांनी केली आहे.
तसंच चर्नीरोडला मराठी भाषा भवन उभारण्यात येणार आहे. शिवाय ठाणे शहरात हॉस्पिटल उभारण्यासाठी 50 कोटींची तरतूद अजित पवार यांनी जाहीर केला आहे.
14 एप्रिल 2024 पर्यंत बाबासाहेब आंबेडकर यांचं स्मारक तयार होईल. निधीची कोणतीही कमतरता असणार नाही, असंही अजित पवार यांनी स्पष्ट केलं आहे.
यावेळी आमदारांच्या गाडीसाठी पण काही निधी देऊन टाका दादा असं भास्कर जाधव म्हणाले. त्यावर आमदारांच्या गाडी करता जे करायचं ते फाईलवर करतो, सगळ्या महाराष्ट्राला कळायला नको, असं अजित पवार म्हणाले.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)
