Кыргызстан vs Филиппин: БУУдагы шайлоодо ким утат?

Кыргызстан Бириккен Улуттар Уюмунун (БУУ) Коопсуздук кеңешинин туруктуу эмес мүчөлүгүнө ат салышууда. 3-июнда өтүүчү шайлоодо Азия-Тынч океан аймагына бөлүнгөн бир орун үчүн Кыргызстан Филиппин менен атаандашып жатат.

Кыргызстан - ушул күнгө чейин бул Кеңешке эч качан мүчө болбогон 59 өлкөнүн бири.

Расмий Бишкек БУУнун Коопсуздук кеңешинин туруктуу эмес мүчөлүгүнө 2011-жылы ат салышып, Пакистанга утулуп калган. Ал эми Филиппин бул кеңешке төрт жолу мүчө болгон, акыркы жолу 2004–2005-жылдары шайланган.