Bidiyon jana'izar daliban makarantar firamare ta Maradi

Ku latsa hoton da ke sama don kallon bidiyon:

An yi jana'izar yara 26 da suka rasu sakamakon gobara a wata makarantar nazare da firamare da ke Maradi a yankin kudancin Nijar.

Lamarin ya faru ne ranar Litinin 8 ga watan Nuwamban 2021, kuma yaran da suka rasu 'yan tsakanin shekara uku ne zuwa takwas.

Har yanzu babu cikakkun bayanai kan abin da ya haddasa gobarar wadda ta soma daga rufin azuzuwan da aka gina da katako.