Ku San Malamanku tare da Farfesa Mansur Sokoto

Ku latsa hoton da ke sama don kallon bidiyon:

Fitaccen malamin addinin nan a jihar Sokoton Najeriya Sheikh Farfesa Mansur Sokoto ya ce duk da cewa wasanni na daga cikin abin da ya fi so, to ba ya iya yin su a yanzu saboda a Najeriya akwai abubuwa da yawa da ko yana so to ba zai iya yin su ba.

Malamin ya faɗi hakan ne a wata hira ta musamman a shirin Ku San Malamanku na BBC Hausa, inda ya ce a lokacin da yake Sudan da Madina ya yi wasanni da suka haɗa da Takwendo da Kung Fu da Iyo wato Swimming.

Sai dai malam ya ce a yanzu ya kan yi wasu wasannin motsa jiki da suka sauwaƙa a gida.