Sadiq Saleh: Matashi mai muryoyi fiye da 10

Latsa hoton da ke sama don kallon bidiyon:

Sadiq Saleh Abubakar mai fassara ne, yana fassara fina-finai musamman na Indiya zuwa harshen Hausa.

Ban da fassara yana iya yin magana da muryoyi daban-daban kamar ta tsoho da yaro da ta mata har ta mai barkwanci.

Ya ce ya samu nasarori da yawa ta wannan harkar. Jami'ar Bayero ta karrama shi don gudunmowarsa a bangaren habaka harsuna da ci gaban harshen Hausa.

Haka zalika, Netflix, babban kamfani da ke dora fina-finai a intanet ya yi magana da Sadiq don ganin yadda za su cimma wata yarjejeniya inda Netflix za su rika ba su kwangila ta harkar fassara fina-finai zuwa harshen Hausa.

Bidiyo: Fatima Othman