Imvo n'Imvano: Abahoze muri FDLR bafashwe gute na leta y'u Rwanda? (Ikiganiro gisubiwemo)

Ndabashuhuje nshuti mwese abateze amatwi BBC, uyu ni umwanya w’ikiganiro Imvo n’Imvano, kuri uyu wa gatandatu tariki ya 2 y’ukwezi kwa 9 umwaka wa 2023.

Turabasubiriramo ikiganiro twari twabagejejeho ku wa gatandatu w’icyumweru gishize, aho twavuze uburyo abahoze mu nyeshyamba za FDLR bafashwe na leta y’u Rwanda.

Mu mbwirwaruhame yakozwe n’umujyanama mu by’umutekano wa Perezida w’u Rwanda Paul Kagame, ni Jenerali James Kabarebe, ubu wacyuye igihe, yavuze uburyo ingabo z’u Rwanda zagiye zifasha abana bafite ababyeyi babo mu mutwe w’inyeshyamba wa FDLR urwanya leta y’u Rwanda ukorera mu burasirazuba bwa Repubulika ya Demokrasi ya Congo, ndetse n’uburyo bamwe mu bavuye muri izo nyeshyamba binjizwa mu gisirikare cy’u Rwanda no mu buzima busanzwe.

Ngo ‘bitandukanye’ n’uburyo bo baba babitekereza iyo bakiri mu mashyamba muri Congo.

Muri iki kiganiro kandi turasura bamwe mu bahoze mu nyeshyamba za FDLR batubwire uburyo babayeho nyuma yo gusubizwa mu buzima busanzwe.

Ikiganiro mwagiteguriwe kandi murakigezwaho na Yves Bucyana.