Agathon Rwasa avuga ko CNDD FDD ifite uruhare mu nduru ziri muri CNL

Agathon Rwasa, umukuru w'ishyaka riri ku isonga ry'ayatavuga rumwe n'ubutegetsi bw'u Burundi, CNL, aravuga ko atemera ibyo yamenyeshejwe mu cyumweru gishize na minisiteri y'ubutegetsi bw'igihugu ko amakoraniro iryo shyaka riherutse gukoresha hamwe n’ibyayavuyemo byose ari impfabusa.

Minisiteri y'ubutegetsi bw'igihugu ari nayo ishinzwe ukuntu amashyaka akora mu gihugu, yavuze ko ayo makoraniro nta na rimwe ryisunze amategeko agenga iryo shyaka maze imusaba gutumiza irindi koraniro noneho rikurikije amategeko.

Bamwe mu bagize ibiro bya poritike mu ishyaka rya CNL bari bariyamirije ayo makoraniro banasaba minisiteri kuyagira impfabusa.

Bwana Rwasa we avuga ko minisitiri ushinzwe ubutegetsi bw'igihugu abo bantu batamubwije ukuri.

Jacques Niyitegeka yavuganye na Agathon Rwasa atangira amubaza icyo agiye gukora (umva icyo kiganiro aho haruguru).