Rusesabagina: Umuryango we uvuga ko utatunguwe n'umwanzuro w'ubujurire

Nyuma yo kumva umwanzuro w'urukiko rw'ubujurire mu Rwanda wo kugumizaho igifungo cy'imyaka 25 Paul Rusesabagina yari yarahawe, twegereye umuryango we tuwubaza icyo ubitekerezaho.

Umukobwa wa Bwana Rusesabagina, Carine Kanimba, yatubwiye ko uwo mwanzuro utabatangaje kuko bazi neza ko uru rubanza ari urwa politike.

Yakomeje avuga ko bizera ko u Rwanda ruzumva ibyo basaba hamwe n'ibisabwa n'amashyirahamwe mpuzamahanga, Rusesabagina akarekurwa.

Carine Kanimba yavuze kandi ko batazigera bahagarika gusaba irekurwa ry'umubyeyi wabo kuko nk'uko bo babibona "ntacyo azira atari politike".

(Wakumva ikiganiro BBC yagiranye na Carine Kanimba ukanze aho hejuru mu ifoto).