Urubanza rwa Rusesabagina: Abaregera indishi basaba Uburayi na Amerika kutavyivangamwo

Mu Rwanda abashingwamanza baserukiye ababuranira indishi mu rubanza rwitiriwe Paul Rusesabagina, basaba abashingamateka n'amashirahamwe yo mu bihugu vya Buraya na Amerika kureka kuvugira abaregwa birengagije ivyo bagirizwa.

Kubera ingaruka bavuga ko batewe n'ivyaha biregwa urunani MRCD-FLN birimwo ivy'iterabwoba, uyu munsi bashiriye inzandiko ubuserukizi bw'ibihugu vya Bulaya na Amerika i Kigali.

Izo nzandiko ngo zarimwo ubutumwa bugenewe amashirahamwe ya societe civile n'abashingamateka bo muri ivyo bihugu.

Ku bw'abo baregera indishi, ngo abo bashingamateka n'ayo mashirahamwe bakomeza kuvugira abaregwa barimwo Paul Rusesabagina, batitaye ku bahuye n'ingaruka zatewe n'ivyaha bagirizwa.

BBC Gahuzamiryango yavuganye na Maitre Faustin Murangwa yaserukiye ababuranira indishi, tubanza kumubaza ikibaraje ishinga mu bivugwa n'abashigikiye abaregwa (umviriza ico kiganiro aho hejuru).

Woraba kandi n'ibi: