Rwanda – Ikirwa cya Nkombo: Imvo n'Imvano ku mwuga w'uburobyi ku bari n'abategarugori

Ndabashuhuje nshuti mwese muteze amatwi BBC, uyu ni umwanya w'ikiganiro Imvo n'Imvano, turi ku wa gatandatu itariki ya 28 y'ukwezi kwa 8 umwaka wa 2021. Ikiganiro cyacu cy'uyu munsi turavuga ku mwuga w'uburobyi ku bari n'abategarugori.

Turerekeza ku kirwa (izinga mu Kirundi) cya Nkombo, mu burengerazuba bw'u Rwanda.

Turaganira n'abagore bakora akazi ko kuroba mu kiyaga cya Kivu, ni mu gihe bamwe mu bagabo bavuga ko bitoroshye ku bagore gukora uburobyi nk'umwuga ngo kubera ko ari akazi kagoranye. Bakavuga ko kuroba bikorwa nijoro kandi abarobyi bakaba igihe kirekire mu mazi.

Abatuye ikirwa cya Nkombo babeshejweho n'uburobyi ku kigero bavuga ko kiri hejuru ya 90%. Abarobyi bakavuga ko bidatangaje kandi bidaciye ukubiri n'umuco nyarwanda ko abagore bakora akazi k'uburobyi, cyane cyane ngo mu guharanira iterambere ry'ingo zabo.

Muri iki kiganiro, turaha n'ijambo bamwe mu barobyi b'abagabo batubwire uburyo bafatanya n'abagore mu guhangana n'ingorane izo ari zo zose bahura nazo muri ako kazi.

Ikiganiro ni Imvo n'Imvano, icyo kuri uyu wa gatandatu mwagiteguriwe kandi murakigezwaho na Yves Bucyana.