Rwanda: Imvo n'Imvano kuri gahunda ya leta yo kugaburira abana ku ishuri (ikiganiro gisubiwemo)

Mwaramukanye amahoro mwese muteze amatwi Imvo n'Imvano yo kuri uyu wa gatandatu tariki ya 3 y'ukwa 7 mu 2021. Uyu munsi turabasubiriramo ikiganiro twabagejejeho ku wa gatandatu ushize.

Ni ikiganiro kivuga kuri gahunda leta y'u Rwanda yatangije yo kugaburira abana mu mashuri, icyo kiganiro mwagiteguriwe na Yves Bucyana.

Ni gahunda minisiteri y'uburezi ivuga ko ifite icyizere ko izatangira gushyirwa mu bikorwa mu gihugu hose mu mwaka w'ingengo y'imari wa 2021-2022.

Twasuye amwe mu mashuri y'incuke, abanza ndetse n'ay'uburezi bw'ibanze bw'imyaka 9 na 12, aho abanyeshuri bagaburirwa ku ishuri.

Turaha ijambo bamwe mu babyeyi, abarimu ndetse n'abanyeshuri, batubwire akamaro bibafitiye.

Ni igikorwa gisaba ubushobozi. Ku mashuri ya leta henshi buri mubyeyi asabwa kwishyurira umwana we amafaranga atari munsi y'ibihumbi 10 ku gihembwe, asanga ayo leta itanga.

Hari bamwe banenga uburyo iyi gahunda ikorwa bavuga ko bitoroheye abana b'abakene kuyibonamo.

Ni mu gihe minisiteri y'uburezi ivuga ko ari igikorwa mbere na mbere ababyeyi bagombye kugira icyabo kuko n'ubusanzwe ari bo bafite inshingano zo kugaburira abana babo.

Ibyo byose murabikurikira muri iki kiganiro cy'Imvo n'Imvano.