Rwanda: Imvo n'Imvano ku ngaruka za Coronavirus ku barimu bo mu mashuri yigenga

Ndabashuhuje nshuti muteze amatwi BBC, uyu ni umwanya w'ikiganiro Imvo n'Imvano, turi ku wa gatandatu tariki ya 17 ukwezi kwa 10 umwaka wa 2020.

Ikiganiro cyacu kiribanda ku ngaruka z'icyorezo cya coronavirus ku barimu bo mu mashuri yigenga mu Rwanda, uhereye ku bo mu mashuri y'incuke, abanza, ayisumbuye na za kaminuza.

Hashize amezi agera kuri 7 amashuri mu Rwanda afunze kubera Covid-19. Abarimu bo mu mashuri yigenga abenshi bahagarikiwe amasezerano, bivuga ko nta mushahara baheruka.

Ubu baravuga ko babayeho mu buzima busharira. Bamwe bashatse indi mirimo itandukanye y'ubushabitsi (business). Ese baba bazasubira mu murimo wabo w'ubwarimu?

Muri iki kiganiro turaganira n'abarimu batandukanye batubwire ubuzima babayeho. Hari amashuri amwe n'amwe yashoboye gukomeza guhemba abarimu bayo, none ni irihe banga bo bakoresheje? Turabaha ijambo mu kiganiro cyacu batubwire.

Turaganira kandi n'abo mu rugaga rw'abarimu bo mu mashuri yigenga, batubwire icyo bakoze mu gufasha abarimu guhangana n'ingaruka za Covid-19. Ministeri y'uburezi nayo iratubwira ibigendanye n'isubukurwa ry'ibikorwa by'amashuri mu Rwanda.

Ni ikiganiro mwateguriwe kandi mugezwaho na Yves Bucyana.