Astudio Gradd Gyfun

Oed: 29

Coleg neu Brifysgol:
Mi wnes i astudio Bioleg Môr /Eigioneg ym Mhrifysgol Bangor. Fel myfyriwr aeddfed, roedd gen i eisoes 11 mlynedd o brofiad yn y byd mawr. Mi wnes i dreulio'r cyfnod yma i gyd fel Prif Is-Swyddog a Thechnegydd Peirianneg Môr yn y Llynges, yn gweithio'n bennaf ar longau tanfor niwclear.

Dychwelyd i'r brifysgol:
Roeddwn i'n anhapus ynglyn â pha mor bellach y gallwn i ddatblygu fy ngyrfa yn y Llynges ac mewn Peirianneg, ac roeddwn i'n meddwl y dylwn i fentro i faes newydd o ddiddordeb tra'r oedd cyfle gen i.

Pynciau a astudiwyd:
Yn amlwg, roedd gen i ddiddordeb mewn Bioleg Môr o'm cyfnod yn y Llynges, ac roeddwn i eisiau dysgu mwy am anifeiliaid y môr. Hyd yn oed nawr, dwi ddim o reidrwydd eisiau gweithio yn y maes - dwi'n gobeithio mentro fel ymgynghorydd rheoli!

Y cwrs:
Yn wreiddiol, mi ges i 'nerbyn i wneud gradd sengl mewn Bioleg Môr. Fel myfyriwr aeddfed, ches i fawr o broblemau'n cael fy nerbyn. Ar ôl astudio Bioleg Môr am rai misoedd, mi wnes i benderfynu newid i wneud gradd gyfun mewn Bioleg Môr ac Eigioneg, a hynny am fod gwaith yn brin ym maes Bioleg Môr a mod i'n meddwl y byddai'n gyfuniad gwell. Dwi hefyd yn teimlo bod cyflogwyr y dyddiau yma yn fwy awyddus i ddod o hyd i weithwyr cyffredin nac arbenigwyr.

Gradd gyfun:
Mae dwy ran y cwrs yn ategu'i gilydd, ac mewn gwirionedd, dwi'n ei chael hi'n anodd dirnad sut mae modd deall un heb y llall. O ran pwysau gwaith, mae'r ddau gwrs yn rhannu i lawr y canol.

Roeddwn i'n poeni y byddai gwneud gradd gyfun yn golygu dwywaith y pwysau gwaith, ond mewn gwirionedd, mae'r baich gwaith wedi ei drefnu fel ei fod yn debyg i faich gwaith gradd sengl yn y naill bwnc neu'r llall. Dwi yma i ddysgu, felly roeddwn i am gyfuno fy niddordeb mewn Bioleg Môr gydag agweddau 'sicrwydd swydd' Eigioneg.

Cyngor:
Mae'n gam positif, felly os ydych chi'n meddwl mai dyna rydych chi am ei wneud, wnewch chi ddim difaru.