Cystadleuaeth yn agored i unigolion dros 18 oed - nid yw'n agored i awduron sydd wedi ysgrifennu drama neu ffilm a gafodd ei chynhyrchu a'i darlledu. Rhaid i'r ddeialog fod yn wreiddiol i'r cystadleuydd oni caniateir i'r stori fod yn seiliedig ar ddigwyddiad neu waith arall ond rhaid nodi hyn gyda'r gwaith. Rhaid i'r sgript fod yn y Gymraeg. Y bwriad yw cynhyrchu'r ddrama neu ffilm fuddugol a'i dangos yn yr Eisteddfod. Bydd Cyfle yn defnyddio'r cynhyrchiad i roi hyfforddiant a bydd modd i'r buddugol fod yn rhan o'r gwaith cynhyrchu.
Sefydlwyd yr Ysgoloriaeth uchod er cof am Geraint Morris, cynhyrchydd teledu llwyddiannus ac uchel iawn ei barch yn y diwydiant yng Nghymru a Lloegr fel ei gilydd. Daeth ei enw i amlygrwydd fel cynhyrchydd cyfresi gyda'r BBC - cyfresi fel The Onedin Line, Softly, Softly, ac, yn arbennig felly, o bosib, Casualty, y gyfres hir, boblogaidd y bu Geraint yn gyfrifol am ei sefydlu. Ymhlith cynyrchiadau poblogaidd eraill o'i eiddo y mae The Bill, Juliet Bravo a Wycliffe, ac efe fu'n gyfrifol am y gyfres boblogaidd Pam fi Duw?
Dylid cysylltu â swyddfa'r Eisteddfod er mwyn derbyn pecyn cais a manylion angenrheidiol.
Dyddiad cau: 31 Ionawr 2007
Gall fod peth oedi cyn i'r fideo ymddangos ar adegau.
