မင်္ဂလာဒုံက ဖယ်ရှားဖို့ စာထုတ်ခံရတဲ့ ရပ်ကွက်များ စတင်ပြောင်းရွှေ့

ပြီးခဲ့တဲ့ရက်ပိုင်းကတည်းက တပ်ပိုင်မြေဖြစ်နေလို့ ဖယ်ရှားပေးဖို့ စာထုတ်ခံထားရတဲ့ ရန်ကုန်၊ မင်္ဂလာဒုံမြို့နယ်မှာ နေအိမ်တွေကို ကိုယ်တိုင်ဖျက်ပြီး ပြောင်းရွှေ့တာတွေလုပ်နေကြပြီလို့ ဘီဘီစီကိုပြောပါတယ်။ စစ်ကောင်စီ ကပြောင်းရွှေ့ဖို့ပြောထားတဲ့ ရပ်ကွက်ငါးခုထဲမှာ ဘုန်းတော်ကြီးနဲ့ သီလရှင်ကျောင်းတွေ ပါဝင်နေသလို မြို့နယ်သံဃနာယကအဖွဲ့ဘက်ကလည်း ကျောင်းတချို့ကို အကြောင်းကြားစာပို့လာပြီလို့ဆိုပါတယ်။ မင်္ဂလာဒုံမြို့နယ်က နောက်ဆုံးရ အခြေအနေကို ကိုဘိုဘိုက စုစည်းပြောပါမယ်။