မြန်မာ အတိုက်အခံ အင်အားစုတွေကို ဖက်ဒရယ် ဆွေးနွေးပွဲတက်ဖို့ အိန္ဒိယ ဖိတ်ကြား

အိန္ဒိယအစိုးရဟာ နိုဝင်ဘာထဲမှာ ဖက်ဒရယ်အရေးခေါင်းစဥ်နဲ့ကျင်းပမယ့် ဆွေးနွေးပွဲတစ်ခုကို မြန်မာနိုင်ငံက နိုင်ငံရေးပါတီတချို့ကို တက်ရောက်ဖို့ ဖိတ်ကြားထားပါတယ်။ တစ်ချိန်တည်းမှာပဲ အိန္ဒိယအစိုးရရန်ပုံငွေနဲ့လည်ပတ်တဲ့ အရပ်ဘက်အဖွဲ့အစည်းကြီးတစ်ခုကလည်း မြန်မာနိုင်ငံထဲက တိုင်းရင်းသားလက်နက်ကိုင်အဖွဲ့တွေအပါအဝင် အတိုက်အခံအင်အားစုတချို့ကို အိန္ဒိယကိုလာရောက်ဖို့ ဖိတ်ကြားထားပါတယ်။ ဒါကြောင့် စစ်ကောင်စီနဲ့နီးစပ်တဲ့ဆက်ဆံရေးရှိတယ်လို့ ယူဆခံထားရတဲ့အိန္ဒိယအစိုးရ အနေနဲ့ မြန်မာနိုင်ငံ အပေါ် ထားရှိတဲ့ သူ့ရဲ့ မူဝါဒတွေကို ပြောင်းလဲ လိုက်ပြီလား။ ဒီအကြောင်း ကိုဇေယျာက ပြောပြမှာပါ။