Qırğızıstan parlamenti Jirinovskini persona non-qrata elan edib
Qırğızıstanın Rusiyaya birləşdirilməsi barədə Vladimir Jirinovskinin təklifi Qırğızıstan millət vəkillərini qəzəbləndirib.
Rusiya Dövlət Dumasının vitse-spikerinin ölkəyə girişini yasaqlayan qərarı qəbul edən parlament Xarici İşlər Nazirliyinə onun təsdiq edilməsini tövsiyyə edib.
Mayın 15-də qanunverici orqan müvafiq müraciəti XİN-ə göndərib.
Çərşənbə axşamı Dövlət Dumasında Qırğızıstan borclarının silinməsinin müzakirəsi vaxtı Vladimir Jirinovski Qırğızıstanın federal dairə şəklində Rusiyaya qatılmasını təklif edib.
LDPR partiyasının sədri həmçinin borclar müqabilində İssık-Kul gölünün Rusiyaya verilməsini istəyib.
Vladimir Jirinovskinin bəyanatı Qırğızıstan parlament üzvlərinin tənqidinə səbəb olub, yerli K-News agentliyi bildirir.
Rusiya millət vəkili Dövlət Dumasındakı bəyanatının düzgün başa düşülmədiyini deyib.
Rusiya ilə Qırğızsıtan arasında borcların tənzimləməsi barədə saziş 2013-cü ildə ratifikasiya olunub.
