Samir Nuriyev Prezident Administrasiyasının rəhbəri oldu

Prezident İlham Əliyevin verdiyi sərəncama əsasən, Samir Nuriyev Prezident Administrasiyasının rəhbəri təyin edilib.

Uzun illər bu vəzifədə olmuş Ramiz Mehdiyev oktyabrın 23-də İlham Əliyevin əmri ilə azad edilib. O, Elmlər Akademiyasının prezidenti təyin olunub.

Samir Nuriyev kimdir?

Samir Nuriyev 1975-ci ildə Bakıda anadan olub.

1991-96-cı illərdə Azərbaycan Texniki Universitetində oxuyub, mühəndis-iqtisadçı ixtisasına yiyələnib.

2003-2005-ci illərdə təhsilini ABŞ-ın Dyuk Universitetində davam etdirib və Beynəlxalq İnkişaf Siyasəti üzrə magistr dərəcəsini alıb.

Samir Nuriyev 2016-cı ildə Prezident yanında Mənzil İnşaatı Dövlət Agentliyinin direktoru vəzifəsinə təyin edilib.

2018-ci ildən Dövlət Şəhərsalma və Arxitektura Komitəsinin sədri işləyib.