Fiosrachadh do Phàrantan is Thidsearan

Anns A' Choille lorgar sgeulachdan beothail, òrain air an seinn le buidheann de chreutairean càirdeil agus rannan. Tha cothrom aig sgoilearan feuchainn air measgachadh de ghnìomhan chruthachail a tha stèidhichte orra sin. Tha an làrach ag amas air clann a tha ag obair a dh'ionnsaigh Tràth agus Ciad ìrean a' Churraicealaim airson Sàr-mhathais.

Sgeulachdan
• Oighrig Ùruisg
• Draoidh Paidh nan Siristean
• Calum Cathag
• A' Lorg na Grèine

Faodaidh sgoilearan sgeulachd a choimhead no a leughadh, agus an uair sin feuchainn air na gnìomhan òrdachaidh, atharrachaidh agus chruthachaidh.

Gus dreach làn-sgrion dhen sgeulachd fhaicinn, thèid gu duilleag bhidiothan.

Òrain
Tha na h-òrain air an seinn le ceithir creutairean càirdeil:
• Òran Ulaidhoillt
• Òran Iain Ialtag
• Òran Rùbaidh Rabaid
• Rap Doilidhtuhù

Faodaidh sgoilearan faclan an t-sèist a thaghadh agus aodach diofraichte a chur air na caractaran.

Rannan
• Gille Beag Laghach
• Latha Doilleir Dorcha
• Sabhs
• Sgoil nan Eun Beaga

Èist agus faigh a-mach dè na beachdan a th' aig Ulaidhoillt, Iain Ialtag, Rùbaidh Rabaid agus Doilidhtuhù air na rannan. An uair sin faodaidh luchd-cleachdaidh am beachd fhèin a thoirt orra le bhith a' cleachdadh faclan is dealbhan.

Taic claistinneach is lèirsinneach
Faodar cliogadh air a' phutan Roghainnean gus:

• an teacsa ath-mheudachadh agus an cùl-dhath agus dath an teacsa atharrachadh
• an teacsa air an sgrion a' chluinntinn ga leughadh
• fo-thiotalan a chur an sàs airson a' mhòrchuid dhe na stuthan fuaim is bhidio.

Chan eil 'Roghainnean' ri fhaotainn san earrainn do Phàrantan is Thidsearan.

Gabhaidh a' mhòrchuid dhen t-susbaint a sgrùdadh le bhith a' cleachdadh a' phutan 'Tab'.

Sgeulachdan

Tha ceithir sgeulachdan beothail anns A' Choille. Cliog air a' chraoibh gus a dhol chun na sgeulachdan. Cliog air na làmhan dearg gus an taghadh de sgeulachdan fhaicinn agus an uair sin cliog air an òrdag gus an sgeulachd a leughadh.

Oighrig Ùruisg
Sgeulachd stèidhichte air an uirsgeul thraidiseanta Afraganach aig Mami Wata, spiorad ghaisgeil nan aibhnichean a shàbhail baile bho uilebheist uabhasach. Tha beartas de dhealbhan 's de chòmhraidhean san sgeulachd, agus tha i na h-eisimpleir de sgeulachd mac-meanmnach.

Draoidh Paidh nan Siristean
Sgeulachd san nòs ùr anns a bheil balach leis an t-ainm Fionnlagh a' bruadar gu bheil draoidh ag èirigh a-mach às a' phaidh shirist aige, agus a' dèanamh iomadach rud dha. 'S ann mu mhac-meanmna leanabh a tha an sgeulachd, agus mu na daoine a tha cudromach na bheatha. Tha an sgeulachd na h-eisimpleir dhen chomas a th' aig clann air sgeulachdan mac-meanmnach a chruthachadh.

Calum Cathag
Faigh a-mach dè a tha a' tachairt nuair a thèid Calum Cathag a dh'fhuireach dhan chalmlann. Tha an sgeulachd a' dèiligeadh ri gràin-cinnidh, a' toirt cothrom do sgoilearan sealladh às ùr a thoirt air an t-saoghal. Tha dà dheireadh diofraichte air an sgeulachd agus tha cothrom aig sgoilearan taghadh dè an fhear as fheàrr leotha fhèin.

A' Lorg na Grèine
Thig còmhla ri Sgumban, Sgòd agus an caraidean gus faighinn a-mach dè a thachras nuair a thèid a' ghrian a dhìth. Tha na creutairean beaga a' fuireach air an tràigh agus gheibhear sealladh air an saoghal tro an sùilean. Tha an sgeualchd na h-eisimpleir dhen chomas a th' aig clann air sgeulachdan pearsanta a chruthachadh. Tha dà dheireadh diofraichte air an sgeulachd agus tha cothrom aig sgoilearan taghadh dè an fhear as fheàrr leotha fhèin.

Gnìomhan

Coimhead sgeulachd
Coimhead an sgeulachd le no às aonais teacsa. Cliog air ìomhaigh an leabhair airson teacsa fhaicinn mu choinneamh nan dealbhan agus an fhuaim. Tha putain Cluich, Stad agus Air ais ri fhaotainn.

Leugh sgeulachd
Leugh an sgeulachd aig astar a tha freagarrach. Nochdaidh an teacsa mu choinneamh nan dealbhan. Cliog air an t-saighead gus gluasad chun an ath dhuilleag.

Cuir sgeulachd an òrdugh
Dearbh sgilean èisteachd agus tuigse le bhith a' cur sreath de dhealbhan dhan òrdugh cheart. An uair sin crìochnaich seantansan a tha a buntainn ris an sgeulachd. Tha dà ire an seo:

Ìre 1
Cliog air na dealbhan gus an cuir dhan òrdugh cheart.

Ìre 2
Cuir crìoch air 5 no 9 seantansan gus am bi iad a' co-fhreagairt air dealbhan bhon sgeulachd. Tha an àireamh de sheantansan a tha ri chrìochnachadh a rèir dè cho math 's a rinn an sgoilear sa chiad ìre.

An dèidh a chrìochnachadh, gabhaidh an sgeulachd a chlò-bhualadh.

Atharraich sgeulachd
Sgrìobh sgeulachd mu dheidhinn aon de na caractaran san sgeulachd. Cruthaich tiotal, le bhith a' taghadh caractar agus àite bhon fheadhainn a chaidh a thairgsinn, 's an uair sin tòisich a' sgrìobhadh.

Tha ceithir dreachan ann. Tha iad ag atharrachadh a rèir dè na tha an neach-cleachdaidh airson sgrìobhadh agus dè an ìre de chuideachadh a tha a dhìth.

Bheir Ulaidhoillt cuideachadh le bhith a' faighneachd na ceistean a leanas:
• Cò a th' anns an sgeulachd agad?
• Càite a bheil an sgeulachd agad a' gabhail àite?
• Dè a tha a' tachairt san sgeulachd agad?
• Ciamar a tha an sgeulachd agad a' crìochnachadh?

Ma tha tuilleadh cuideachaidh a dhìth, cliog air a' chomharra cheist gus sgeulachd a sgrìobh Ulaidhoillt fhaicinn.

An dèidh sgrìobhadh, faodar dealbhan a chur ri gach duilleag dhen sgeulachd. Cleachd dealbhan-cùil, caractaran agus nithean eile bhon sgeulachd, no cleachd a' bhruis pheant gus dealbhan a chruthachadh. Faodar diofar chumaidhean a chur ris cuideachd. Gabhaidh rudan an gluasad air feadh a chanabhas, agus an dubhadh às, agus faodar an sgeulachd a chlò-bhualadh.

Cruthaich sgeulachd
Sgrìobh agus cur dealbhan ri sgeulachd mu charactaran agus nithean eile bhon sgeulachd.

Tha dà ire an seo:

Ìre 1
Tha earrainn air an duilleig airson teacsa agus earrainn fa leth airson dealbhan. Tha taghadh de fhaclan ri fhaotainn airson do chuideachadh. Faodar na dealbhan-cùil, na caractaran sna nithean eile a tha ri fhaotainn a chleachdadh, no a' bhruis pheant a chleachdadh gus dealbhan ùra a chruthachadh. Faodar diofar chumaidhean a chur ris cuideachd. Gabhaidh rudan an gluasad air feadh a' chanabhas, agus an dubhadh às, agus faodar an sgeulachd a chlò-bhualadh.

Ìre 2
Tha aon dhuilleag an seo airson teacsa agus dealbhan. Faodar builgein-còmhraidh a chleachdadh san ìre seo, a thuilleadh air na h-innealan a tha ri fhaotainn ann an Ìre 1.

Òrain

Tha fadachd air Ulaidhoillt, Iain Ialtag, Doilidhtuhù agus Rùbaidh Rabaid seinn. Thèid dhan Uaimh agus cliog air Òrain gus an coinneachadh. Cliog air gach caractar gus na h-òrain sònraichte aca a chluinntinn.

An dèidh caractar a thaghadh, tha trì roghainnean ann.

Èist ri òran
Tha an caractar a' seinn an òran aca. Tha faclan an òrain ri fhaicinn anns a' bhogsa aig mullach an sgrion.

Atharraich òran
Tagh faclan ùra airson an t-sèist. Thoir sùil air an liosta de roghainnean agus cliog air faclan. Èist ris an òran gus an dreach ùr dhen t-sèist a chluinntinn. Cliog air an ìomhaigh dorais a nochdas aig deireadh na gnìomh-sa gus tilleadh chun chlàr-innse.

Gabhaidh faclan nan òran a chlò-bhualadh.

Sgeadaich na caractaran
Tagh èididhean ùra a-mach às a' phreas-aodaich dha Ulaidhoillt, Iain Ialtag, Doilidhtuhù agus Rùbaidh Rabaid.

Cliog air na h-ìomhaighean os cionn a' phreas-aodaich gus faicinn dè na rudan a tha ri fhaighinn, 's an uair sin sgeadaich gach caractar fa leth. Cleachd n h-ìomhaighean air an sgeilp ìosal gus dathan an aodaich atharrachadh. Cliog air an ìomhaigh dorais a nochdas aig deireadh na gnìomh-sa gus tilleadh chun chlàr-innse.

Èist ris an òran gus na caractaran fhaicinn nan èididhean ùra.

Dèan dhomh e - tagh "Dèan dhomh e" gus an tèid na faclan agus na h-èididhean atharrachadh leis a' choimputair.

Na h-Òrain

Òran Iain Ialtag
Anns an t-òran tiamhaidh seo tha Iain Ialtag ag innse mu na rudan as fheàrr leis. Tha an teachdaireachd dòchasach a tha san t-sèist gu math diofraichte ris an t-seinn bhrònach aig Iain. Cruthaich dreach eile dhen t-sèist le bhith a' taghadh fuaimean brònach.

Rap Doilidhtuhù
Cuir eòlas air Doilidhtuhù leis an rap seo. Tha an t-sèist a' toirt dealbh de Doilidhtuhù, agus na caractaran eile a' seinn mu deidhinn agus ag innse mu na rudan as fheàrr leatha. Cruthaich dreach eile dhen t-sèist le bhith a' taghadh bho na h-abairtean.

Òran Rùbaidh Rabaid
Òran ann an stoidhle Bollywood mu bheatha thrang Rùbaidh Rabaid. Cruthaich dreach eile dhen t-sèist le bhith a' taghadh bho na h-abairtean.

Òran Ulaidhoillt
Seinn an t-òran annasach seo mu Ulaidhoillt, an uilebheist grànda, agus na rudan mì-chàilear as fheàrr leis. Tha an t-sèist làn de dh'faclan is de dh'fuaimean èibhinn. Cruthaich dreach eile dhen t-sèist le bhith a' taghadh bho na h-abairtean.

> Thèid chun na h-òrain

Rannan

Faodaidh an neach-cleachdaidh èisteachd ri na rannan agus am beachd fhèin a thoirt orra. Thèid dhan Uaimh agus cliog air Rannan gus ceithir rannan gu math diofraichte a chluinntinn. Cluinnear beachdan Ulaidhoillt, Iain Ialtag, Doilidhtuhù agus Rùbaidh Rabaid mus bi cothrom aig an neach-cleachdaidh am beachd fhèin a thoirt seachad.

Chaidh Ulaidhoillt, Iain Ialtag, Doilidhtuhù agus Rùbaidh Rabaid a chruthachadh gus diofar fhaireachdainnean a riochdachadh, 's iad a' toirt am beachdan air na rannan. Bheir seo cuideachadh do sgoilearan le bhith a' cur am beachdan fhèin an cèill.

Tagh rann bhon liosta agus an uair sin tagh dà charactar a bu toigh leat èisteachd ris an rann còmhla riut. Èist ris an rann agus cluinn beachdan nan caractaran.

Cliog air aon de na trì damhain-allaidh gus èisteachd ri rann eile, peant an rann no tagh diofar charactaran gus am beachdan a chluinntinn.

Cliog air Peant an rann, tagh aon dha na trì beachdan a tha a' nochdadh air an sgrion agus an uair sin cleachd dealbhan agus teacsa gus beachdan mun rann a chur an cèill.

Faodar seo a chlò-bhualadh cuide ri na faclan.

Gille Beag Laghadh
Tha an rann seo air a sgrìobhadh bho shealladh bhalach nach eil a' tuigsinn carson nach eil meas aig daoine air. Tha comhardadh sìmplidh agus ath-aithris èifeachdach de dh'fhaclan san rann.

Còrdaidh an rann seo ri Ulaidhoillt seach gu bheil e cho dèidheil air rudan mì-mhodhail, ach cha bhi beachd mhath aig Rùbaidh Rabaid air a' bhalach idir.

Latha Doilleir Dorcha
Tha an rann seo a' toirt dealbh air latha far a bheil a h-uile càil a' dol ceàrr. Tha uaim sìmplidh san rann.

Còrdaidh ann rann seo ri Rùbaidh Rabaid oir 's ann mar seo a bhios i fhèin a' faireachdainn aig amannan. Cha chòrd e idir ri Iain Ialtag oir bheir e air cuimhneachadh air làithean dubhach nuair nach bi càil a' dol ceart.

Sabhs
Rann èibhinn le comhardadh sìmplidh.

Chaidh an rann seo a sgrìobhadh gu sònraichte dha Ulaidhoillt agus còrdaidh na dealbhan grànda ris. Canaidh Rùbaidh Rabaid gu bheil an rann ro ghòrach.

Sgoil nan Eun Beaga
Rann sona agus beothail a tha a' toirt dealbh brèagha de nàdar.

Chaidh an rann seo a sgrìobhadh gu sònraichte dha Doilidhtuhù agus còrdaidh na dealbhan brèagha rithe. Cha chòrd e idir ri Ulaidhoillt seach gu bheil e cho sona agus brèagha.

> Thèid chun na rannan